About the Institutions

ການນຳເອົາການບໍລິການທາງດ້ານສຸຂະພາບໄປສູ່ປະຊາຊົນຢ່າງມີປະສິດທິພາບມັນມີຄວາມສຳ ຄັນທີ່ສຸດເພາະມັນບໍ່ພຽງແຕ່ນຳໃຊ້ເພື່ອປິ່ນປົວຜູ້ທີ່ເຈັບເປັນ ແລະ ຜູ້ທີ່ໄດ້ຮັບບາດເຈັບແຕ່ກໍ່ຍັງ ເປັນການບັນເທົາຄວາມທຸກ ແລະ ຮັບປະກັນການດຳລົງຊີວິດ ແລະ ເຮັດໃຫ້ມີຄວາມສະດວກ ທາງດ້ານການພັດທະນາເສດຖະກິດທົ່ວໄປ. ດ້ວຍເຫດນີ້, ມັນເປັນສິ່ງສຳຄັນທີ່ຈະຕ້ອງໄດ້ເຂົ້າໃຈວ່າ ເຖິງພາກສ່ວນໃດຂອງພົນລະເມືອງທີ່ສາມາດເຂົ້າເຖິງການບໍລິການດ້ານສຸຂະພາບ ແລະ ຄຸນນະພາບຂອງສູນບໍລິການເປັນຄືແນວໃດ ແລະ ໃຊ້ເວລາເທົ່າໃດທີ່ຈະເຂົ້າໄປເຖິງ.
ໃນການສຳຫລວດພົນລະເມືອງ ແລະ ທີ່ຢູ່ອາໃສແຫ່ງຊາດໃນປີ 2005 ນາຍບ້ານໄດ້ຖືກຖາມວ່າ ບ້ານຂອງພວກເຂົາເຈົ້າມີສຸກສາລາ ຫຼື ສູນສຸຂະພາບບໍ. ເຖິງແມ່ນວ່າຂໍ້ມູນອື່ນໆ ແມ່ນບໍ່ໄດ້ເກັບກຳ ເພີ່ມເຕີມຢູ່ໃນບົດລາຍງານກ່ຽວກັບຄຸນນະພາບ ຫຼື ສະພາບຂອງສູນສຸຂະພາບເຫຼົ່ານີ້; ແຕ່ຈຳນວນ ຂອງໝູ່ບ້ານທີ່ມີສຸກສາລາແລະ ທີ່ຕັ້ງຂອງບ້ານເຫຼົ່ານັ້ນແມ່ນໄດ້ສະແດງໃນແຜນທີ່ E.1 ມັນກໍ່ຍັງເປັນ ຄວາມຮູ້ທີ່ໜ້າສົນໃຈຢູ່. ໃນຈຳນວນທັງໝົດຂອງ 10,552 ບ້ານມີພຽງແຕ່ 791 ບ້ານ ຫຼື 7.5% ໄດ້ລາຍງານວ່າພວກເຂົາເຈົ້າມີສູນສຸຂະພາບ.
ເພື່ອເພີ່ມເຕີມຂໍ້ມູນເຫຼົ່ານີ້, ພວກເຮົາຄິດໄລ່ການໃຊ້ເວລາການເດີນທາງໄປ ແລະ ກັບຈາກແຕ່ລະ ສູນສຸຂະພາບທັງໝົດຂອງ ສປປ ລາວ. ການຄິດໄລ່ເຫຼົ່ານີ້ແມ່ນອິ່ງໃສ່ຮູບແບບ, ເຊິ່ງສິ່ງດັ່ງກ່າວນີ້ແມ່ນໄດ້ພັນລະນາໃນຫຼາຍລາຍລະອຽດໃນແຜ່ນທີ່ A.5 ແລະ A.6. ຜົນດັ່ງກ່າວ ສະແດງໃຫ້ເຫັນວ່າບັນດາຂົຂອງປະເທດໃຊ້ເວລາເດີນທາງທີ່ແຕກຕ່າງກັນໄປຫາສູນສຸຂະພາບທີ່ໄກ້ທີ່ສຸດ. ເວລາເຫຼົ່ານີ້ແມ່ນລະຫວ່າງໜ້ອຍກ່ວາ 1 ຊົ່ວໂມງ (ທີ່ມີສີຂຽວ) ແລະ ຫາຫຼາຍກ່ວາ10 ຊົ່ວໂມງ (ທີ່ມີສີແດງ).
ແບບໄລຍະຫວ່າງທີ່ສະແດງເຫັນຂົງເຂດສີຂຽວແມ່ນຂົງເຂດຂອງປະເທດທີ່ເຂົ້າໄປຫາໄດ້ຢ່າງ
ສະດວກ ແລະ ທີ່ມີຜົນສະທ້ອນໃຫ້ເຫັນພື້ນຖານໂຄງລ່າງຂອງການຂົນສົ່ງ. ແຕ່ມີພາກສ່ວນໃຫຍ່ຂອງ ປະເທດທີ່ແມ່ນການແຍກຢູ່ຢ່າງໂດດດ່ຽວຈາກການນຳສົ່ງການບໍລິການສຸຂະພາບ. ດ້ວຍເຫດນີ້ ມັນເປັນໜ້າສົນໃຈທີ່ຈະສຶກສາຫາຈຳນວນຂອງສະພາບໝູ່ບ້ານພາຍໃນຂົງເຂດສະເພາະ ທີ່ມີຄວາມສາມາດເຂົ້າຫາການບໍລິການໄດ້. ເຊິ່ງສິ່ງເຫຼົ່ານີ້ແມ່ນສາມາດເປັນໄປໄດ້ໃນການຄິດໄລ່ຈຳນວນຂອງ ປະຊາຊົນຜູ້ທີ່ມີ ຫຼື ຜູ້ບໍ່ມີການເຂົ້າໄປຫາສູນສຸຂະພາບ. ຕາຕະລາງລຸ່ມນີ້ແມ່ນສະແດງໃຫ້ເຫັນຜົນ ແລະ ອັດຕາສ່ວນຮ້ອຍຂອງບ້ານ ແລະ ພົນລະເມືອງໃນປະເພດທີ່ແຕກຕ່າງກັນທີ່ສາມາດເຂົ້າໄປຫາ ສູນສຸຂະພາບ.

ເຖິງແມ່ນວ່າຕາຕະລາງເຫຼົ່ານີ້ສະແດງໃຫ້ເຫັນຄວາມບໍ່ສາມາດເຂົ້າໄປຫາຂອງຫຼາຍຂົງເຂດໃນ ສປປ ລາວ, ຫຼາຍໆ ບ້ານ ແລະ ສ່ວນຮ້ອຍທີ່ສູງຂື້ນກ່ວາຂອງປະຊາຊົນທີ່ຕັ້ງຖີ່ນຖານຂ້ອນຂ້າງ ຢູ່ໃກ້ກັບບ້ານທີ່ມີສູນສຸຂະພາບ. ເຖິງແມ່ນວ່າມີ່ສູນສຸຂະພາບພຽງແຕ່ 791 ແຫ່ງໃນ ປະເທດ, 84% ຂອງ ພົນລະເມືອງທີ່ຍັງຄົງສາມາດເຂົ້າເຖິງສູນສຸຂະພາບພາຍໃນໜຶ່ງຊົ່ວໂມງ, ແລະ ຫຼາຍຫວ່າ 90% ແມ່ນໃຊ້ເວລາສູງສຸດສອງຊົ່ວໂມງ. ຈາກຕົວເລກເຫຼົ່ານີ້ພວກເຮົາສາມາດສະຫຼູບໄດ້ວ່າຖ້າຫາກວ່າ ບາງຂົງເຂດແມ່ນມີຄວາມຕ້ອງການຢ່າງຮີບດ່ວນໃນພື້ນຖານໂຄງລ່າງດ້ານສາທາລະນະສຸກຫຼາຍຂື້ນ ກ່ວາເກົ່າບຸລິມະສິດຄວນໃຫ້ການບຳລຸງຮັກສາໄວ້ ຫຼື ປັບປຸງຄຸນນະພາບຂອງສູນບໍລິການສຸຂະພາບທີ່ມີຢູ່ໃຫ້ດີຂື້ນ. ຈຳນວນຂອງປະຊາຊົນທີ່ຂື້ນກັບແຕ່ລະສູນສຸຂະພາບສາມາດຄິດໄລ່ໄດ້ຢ່າງງ່າຍດາຍເພື່ອຈັດອັນດັບບູລິມະສິດບ້ານທີ່ສົມຄວນໄດ້ຮັບການສະໜັບສະໜູນ.

This table shows that despite the inaccessibility of many regions in the Lao PDR, many villages and an even higher percentage of the people are quite close to a village with a health centre. Even if there are only 791 health centres in the country, 84% of the population are still able to reach a health centre within one hour, and over 90% within a maximum of 2 hours. From these figures we can conclude that even if some regions are urgently in need of further health infrastructure, priority should be given to maintaining or improving the quality of the existing health service centres. The number of people depending on each health centre could easily be calculated to prioritise the villages that should receive such support.