ຊັບພະຍາກອນຂອງປະເທດທີ່ມີີຢູ່ນັ້ນແມ່ນມີຄຸນຄ່າຫຼາຍທີ່ສຸດສີ່ງດັ່ງກ່າວນັ້ນແມ່ນໝາຍເຖິງປະຊາກອນ ຂອງປະເທດນັ້ນຊື່ງບໍ່ມີຜູ້ໃດທີ່ຈະປະຕິເສດສີ່ງນີ້ໄດ້. ເພາະສະນັ້ນເປັນເວລາດົນນານມາແລ້ວທີ່ມັນໄດ້ ເປັນບັນຫາທີ່ໜ້າສົນໃຈອັນຍິ່ງໃຫຍ່ທີ່ຈະຕ້ອງໄດ້ຮັບຮູ້ເຊີ່ງມັນບໍ່ພຽງແຕ່ເປັນຈຳນວນຂອງພົນລະເມືອງເທົ່ານັ້ນແຕ່ມັນຍັງມີລັກສະນະສະເພາະຂອງມັນເອງກ່ຽວກັບອາຍຸ, ເພດ, ສະຖານທີ່ຢູ່ອາໃສ ແລະ ອື່ນໆອີກ. ທຸກຄົນເຊື່ອໝັ້ນວ່າການສຳຫລວດປະຊາກອນຄັ້ງທຳອິດໃນ ສປປ ລາວ ແມ່ນໄດ້ດຳເນີນໃນ ຕົ້ນປີ 1377 ເຊັ່ນດຽວກັນເມື່ອເວລາທີ່ເຈົ້າຊີວິດໄດ້ໃຫ້ຊື່ວ່າ: ສາມແສນໄທ ເຊິ່ງໜາຍເຖິງ “300,000 ຄົນ” (GOL, 2005 (b)). ໃນປີ 1922 ຈຳນວນຂອງປະຊາຊົນລາວໄດ້ຄາດກະວ່າມີປະມານ 800,000 ຄົນ. ການສຳຫລວດປະຊາກອນໄດ້ດຳເນີນໄປໃນທົ່ວປະເທດ ໃນປີ 1959-1961 ໄດ້ສະແດງໃຫ້ເຫັນ ວ່າ ມີປະຊາຊົນລາວ 1.9 ລ້ານຄົນທີ່ດຳລົງຊີວິດຢູ່ພາຍໃນປະເທດ. ນັບຕັ້ງແຕ່ປີ 1985, ການສຳຫລວດ ປະຊາກອນກໍ່ໄດ້ກາຍມາເປັນສ່ວນໜຶ່ງຂອງຍຸດທະສາດຂອງລັດຖະບານ ເພື່ອຈະໄດ້ລວບລວມເອົາ ບັນດາສະຖິຕິຕ່າງໆ ແລະ ວຽກງານ ດັ່ງກ່າວນັ້ນກໍ່ໄດ້ ສື່ບຕໍ່ປະຕິບັດໃນທຸກໆ 10 ປີ. ຂໍ້ມູນທີ່ໄດ້ສະແດງ ໃຫ້ເຫັນໃນປື້ມແຜ່ນທີ່ນີ້ກໍ່ຍັງຈະເປັນຂໍ້ມູນໃໝ່ຫຼ້າສຸດກ່ຽວກັບການລວມຍອດພົນລະເມືອງລາວ ແລະ ຈະສືບຕໍ່ດຳເນີນໄປຈົນ ກວ່າຈະເຖີງການສຳຫລວດປະຊາກອນຄັ້ງຕໍ່ໄປໃນປີ 2015.
ຜົນຂອງການສຳຫລວດພົນລະເມືອງ ແລະ ທີ່ຢູ່ອາໃສແຫ່ງຊາດໃນປີ 2005 (G0L, 2006) ສະແດງໃຫ້ ເຫັນວ່າໃນວັນທີ 1 ເດືອນມີນາ ປີ 2005 ສປປ ລາວໄດ້ມີພົນລະເມືອງລາວທັງໝົດ 5.6 ລ້ານຄົນ. ໃນນີ້ 50.1% ແມ່ນເພດຍິງ ແລະ 49.9% ແມ່ນເພດຊາຍ. ຮູບຈວຍສະແດງເຖິງອາຍຸຂອງປະຊາຊົນລາວ ແລະ ມັນກໍ່ຍັງມີຄວາມກ້ວາງຂວາງຫຼາຍ. ສີ່ງເລົ່ານີ້ແມ່ນລັກສະນະຂອງພົນລະເມືອງທີເປັນໄວໜູ່ມໂດຍ 50% ຂອງພົນລະເມືອງທີ່ມີອາຍຸຕ່ຳກວ່າ 20 ປີ ໃນປະຈຸບັນ. ການເພີ່ມຂື້ນຕົວຈິງຂອງພົນລະເມືອງໃນ ລະຫວ່າງປີ 1995 ຫາ 2005 ແມ່ນມີ 1.04 ລ້ານຄົນ ເຊີ່ງກົງກັບອັດຕາການເຕີບໂຕປະຈຳປີ 2.1%. ການຄາດຄະເນລ່ວງໜ້າໃນ ອະນາຄົດຂອງພົນລະເມືອງຈະເພີ້ມຂື້ນເຖີງ 7.3 ລ້ານຄົນໃນປີ 2020.
ສ່ວນພາກຕໍ່ໄປນີ້ສະແດງໃຫ້ເຫັນເຖິງລາຍລະອຽດຜົນຂອງ ການສຳຫລວດພົນລະເມືອງ ແລະ ທີ່ຢູ່ອາໃສແຫ່ງຊາດ ໃນປີ 2005. ສຳລັບຄັ້ງທຳອິດມັນມີຄວາມເປັນໄປໄດ້ທີ່ຈະສັງເກດກ່ຽວກັບຂໍ້ມູນຂອງ ພົນລະເມືອງສະບັບນີ້ເຊີ່ງມັນບໍ່ເປັນພຽງແຕ່ນຳໃຊ້ເພື່ອຈຳແນກບັນດາຂໍ້ມູນລະອຽດກ່ຽວກັບການຮວມເຂົ້າກັນຂອງໝູ່ບ້ານເທົ່ານັ້ນແຕ່ມັນຍັງສາມາດສັງເກດເຫັນໂດຍການແຈກຍາຍຂອງພົນລະເມືອງຕາມ ແຕ່ລະເຂດພື້ນທີ່. ເພາະສະນັ້ນແລ້ວພາກສ່ວນດັ່ງກ່າວໄດ້ປະກອບດ້ວຍແຜ່ນທີ່ທີໜື່ງຊື່ງໃຫ້ລາຍລະອຽດ ກ່ຽວກັບຄວາມໜາແໜ້ນ ແລະ ການແຈກຍາຍຂອງພົນລະເມືອງ. ແຜນທີ່ຕໍ່ມາແມ່ນການວິເຄາະໂຄງ ສ້າງຂອງພົນລະເມືອງຢູ່ໃນເກນອາຍຸ, ການເພິ່ງພາອາໃສ ແລະ ອັດຕາສ່ວນທາງເພດ. ສຸດທ້າຍແລ້ວ ແມ່ນຈະສະເໜີຂໍ້ມູນກ່ຽວກັບສະຖານະພາບການແຕ່ງງານຂອງພົນລະເມືອງ ແລະ ຂະໜາດຂອງຄົວເຮືອນ.