D.4    
 

ພົນລະເມືອງ ແລະ ອັດຕາສ່ວນທາງເພດຂອງຜູ້ທີ່ຮຽນຈົບຈາກໂຮງຮຽນ

   
 
ເພີ່ນ​ໄດ້​ຖາມ​ບຸກ​ຄົນ​ຜູ້​ທີ່​ກຳ​ລັງ​ຮຽນ​ໜັງ​ສື​ຢູ່ ຫຼື ຜູ້​ທີ່​ອອກ​ໂຮງ​ຮຽນ​ໄປ​ແລ້ວ​ເພື່ອ​ຊອກ​ຮູ້​ລະ​ດັບ​ການ​ສຶກ​ສາ ຂອງ​ພວກ​ເຂົາ​ເຊັ່ນ​ວ່າ ຂັ້ນ​ຮຽນ​ສູງ​ສຸດ​ໃນ​ລະ​ບົບ​ການ​ສຶກ​ສາ ທີ່​ເຂົາ​ເຈົ້າ​ໄດ້​ຮຽນ​ຈົບ. ຜູ້​ຕອບ​ຄຳ​ຖາມ​ເປັນ ຜູ້​ບອກ​ໃຫ້​ຮູ້​ວ່າ​ພວກ​ເຂົາ​ໄດ້​ຮຽນ​ຈົບ​ຊັ້ນ​ປະ​ຖົມ​ສຶກ​ສາ, ມັດ​ທະ​ຍົມ​ສຶກ​ສາ​ຕອນ​ຕົ້ນ ຫຼື ຕອນ​ປາຍ. ເພີ່ນ​ໄດ້​ຈັດ​ກຸ່ມ​ຄົນ​ທີ່​ຕອບ​ຄຳ​ຖາ​ມວ່າ “ບໍ່​ເຄີຍ​ເຂົ້າ​ໂຮງ​ຮຽນ” ເປັນ​ປະ​ເພດ “ບໍ່​ຈົບ​ລະ​ດັບ​ການ​ສຶກ​ສາ ໃດ​ເລີຍ”.
ອີງ​ຕາມ​ສະ​ຖິ​ຕິ​ທາງ​ການ​ແລ້ວ, 15.5% ຂອງ​ພົນ​ລະ​ເມືອງ​ທີ່​ມີ​ອາ​ຍຸ 6 ຂື້ນ​ໄປ​ໄດ້​ຮຽນ​ຈົບ​ຊັ້ນ​ປະ​ຖົມ ສຶກ​ສາ (ໃນ​ນັ້ນ, ມີ​ແມ່​ຍິງ: 14.6%; ຜູ້​ຊາຍ:16.3%), 6.1% (ໃນ​ນັ້ນ​ມີ​ແມ່​ຍິງ 5.4% ແລະ ຜູ້​ຊາຍ 6.9%) ຮຽນ​ຈົບ​ຊັ້ນ​ມັດ​ທະ​ຍົມ​ສຶກ​ສາ​ຕອນ​ຕົ້ນ, ແລະ 5.1% (ໃນ​ນັ້ນ​ແມ່​ຍິງ​ມີ 4.1% ແລະ ຜູ້​ຊາຍ​ມີ 6.2%) ຮຽນ​ຈົນ​ຊັ້ນ​ມັດ​ທະ​ຍົມ​ສຶກ​ສາ​ຕອນ​ປາຍ.
ຕົວ​ເລກ​ສະ​ຖິ​ຕິ​ເຫຼົ່າ​ນີ້​ແມ່ນ​ໄດ້​ສະ​ແດງ​ໃຫ້​ເຫັນ​ຢູ່​ໃນ​ແຜນ​ທີ່​ສີ່​ສະ​ບັບ. ແຜນ​ທີ່​ສອງ​ສະ​ບັບ​ຢູ່​ຂ້າງ​ເທິງ​ນັ້ນ ສະ​ແດງ​ບອກ​ອັດ​ຕາ​ສ່ວນ​ພົນ​ລະ​ເມືອງ​ບ້ານ​ທີ່​ຮຽນ​ຈົບ​ຊັ້ນ​ປະ​ຖົມ​ສຶກ​ສາ (ຢູ່​ດ້ານ​ຊ້າຍ) ແລະ ພົນ ລະ​ເມືອງ​ບ້ານ​ທີ່​ຮຽນ​ຈົບ​ຊັ້ນ​ມັດ​ທະ​ຍົມ​ສຶກ​ສາ​ຕອນ​ຕົ້ນ (ຢູ່​ດ້ານ​ຂວາ). ສ່ວນ​ອີກ​ແຜນ​ທີ່​ສອງ​ສະ​ບັບ ຢູ່​ດ້ານ​ລຸ່ມ​ສະ​ແດງ​ບອກ​ອັດ​ຕາ​ສ່ວນ​ເພດ​ຊາຍ​ຕໍ່​ເພດ​ຍິງ 100 ຄົນ.
ເມື່ອ​ພາດ​ສາຍ​ຕາ​ເບິ່ງ​ໃນ​ເບື້ອງ​ຕົ້ນ, ຜູ້​ອ່ານ​ສັງ​ເກດ​ເຫັນ​ອັດ​ຕາ​ສ່ວນ​ຂອງ​ພົນ​ລະ​ເມືອງ​ທີ່​ຮຽນ​ຈົບ​ຊັ້ນ ປະ​ຖົມ​ສຶກ​ສາ​ຫລຸດ​ລົງ​ແບບ​ຜິດ​ປົກ​ກະ​ຕິ ຖ້າ​ທຽບ​ໃສ່​ອັດ​ຕາ​ສ່ວນ​ພົນ​ລະ​ເມືອງ​ຮຽນ​ຈົບ​ຊັ້ນ​ມັດ​ທະ​ຍົມ ສຶກ​ສາ​ຕອນ​ຕົ້ນ. ສີ​ຂຽວ​ກວມ​ເອົາ​ພື້ນ​ທີ່​ສ່ວນ​ໃຫຍ່​ໃນ​ແຜນ​ທີ່​ພົນ​ລະ​ເມືອງ​ທີ່​ຮຽນ​ຈົບ ປະ​ຖົມ​ສຶກ​ສາ. ພື້ນ​ທີ່​ສ່ວນ​ຫຼາຍ​ຂອງ​ປະ​ເທດ​ສະ​ແດງ​ອັດ​ຕາ​ສ່ວນ​ພົນ​ລະ​ເມືອງ​ທີ່​ຮຽນ​ຈົບ​ລະ​ດັບ​ປະ​ຖົມ​ສຶກ​ສາ​ຢູ່​ໃນ​ລະ ຫວ່າງ 15 ຫາ 45%. ບ່ອນ​ທີ່​ບໍ່​ມີ​ສີ​ຂຽວ​ຢູ່​ກ້ຳ​ຂວາ​ມື​ຂອງ​ແຜນ​ທີ່​ສະ​ແດງ​ໃຫ້​ເຫັນ​ວ່າ​ມີ​ບ້ານ​ຈຳ​ນວນ ໜອ້ຍ - ໃນ​ນັ້ນ​ລວມ​ທັງ​ບ້ານ​ທີ່​ຢູ່​ໃນ​ເຂດ​ຕົວ​ເມືອງ - ມີ​ພົນ​ລະ​ເມືອງ​ທີ່​ຮຽນ​ຈົບ​ຊັ້ນ​ປະ​ຖົມ​ສຶກ​ສາ​ຫຼາຍ ກວ່າ​ໜຶ່ງ​ສ່ວນ​ສີ່​ຂອງ​ພົນ​ລະ​ເມືອງ​ທັງ​ໝົດ. ໂດຍ​ທົ່ວ​ໄປ​ແລ້ວ ຈະ​ເຫັນ​ວ່າ​ຮູບ​ແບບ​ການ​ແຈກ​ຢາຍ​ແມ່ນ ຄ້າຍ​ຄື​ກັນ​ກັບ​ຮູບ​ແບບ​ທີ່​ໄດ້​ສະ​ແດງ​ໄວ້​ໃນ​ແຜນ​ທີ່​ສະ​ແດງ​ພົນ​ລະ​ເມືອງ​ທີ່​ຮູ້​ໜັງ​ສື​ແຜນ​ທີ່ D.1. ອັດ​ຕາ ສ່ວນ​ສູງ​ນີ້​ສາ​ສາ​ມາດ​ພົບ​ເຫັນ​ໄດ້​ໃນ​ເຂດ​ໃຈ​ກາງ​ຂອງ​ຕົວ​ເມືອງ ແລະ ໃນ​ເຂດ​ທົ່ງ​ພຽງ​ເລາະ​ລຽບ​ຕາມ ແຄມ​ແມ່​ນ້ຳ​ຂອງ ແລະ ໃນ​ເຂດ​ທີ່​ມີ​ເສັ້ນ​ທາງ​ຄົມ​ມະ​ນາ​ຄົມ​ຂົນ​ສົ່ງ​ໄປ​ຮອດ​ໄປ​ເຖິງ. ສ່ວນ​ເຂດ ພື້ນ​ທີ່ ຊົນ​ນະ​ບົດ​ເຂດ ເນີນ​ສູງ​ຫ່າງ​ໄກ​ສອກ ຫລີກ​ແມ່ນ​ມີ​ອັດ​ຕາ​ສ່ວນ​ພົນ​ລະ​ເມືອງ​ທີ່​ຮຽນ​ຈົບ​ຊັ້ນ​ປະ​ຖົມ​ສຶກ​ສາ ຕ່ຳ​ກວ່າ. ຍິ່ງ​ໄປ​ກວ່າ​ນັ້ນ, ບາງ​ເມືອງ ຍັງ​ສະ​ແດງ​ໃຫ້​ເຫັນ​ອັດ ຕາ​ສ່ວນ​ພົນ​ລະ​ເມືອງ​ທີ່​ຮຽນ​ຈົບ​ຊັ້ນ
ປະ​ຖົມ​ສຶກ​ສາ​ສູງ​ຫຼາຍ​ກວ່າ​ເມືອງ​ໃກ້​ຄຽງ​ເຊັ່ນ​ໃນ​ແຂວງ​ໄຊ​ຍະ​ບູ​ລີ, ພາກ​ຕາ​ເວັນ​ຕົກ​ຂອງ​ແຂວງ ສາ​ລະ​ວັນ, ແຂວງ​ເຊ​ກອງ ແລະ ໃນ​ເຂດ​ພາກ​ເໜືອ​ຂອງ​ແຂວງ ຫລວງ​ພະ​ບາງ. ດັ່ງ​ນັ້ນ, ມັນ​ສະ​ແດງ ໃຫ້​ເຫັນ​ວ່າ​ອຳ​ນາດ​ການ​ປົກ​ຄອງ​ເມືອງ​ມີ​ອິດ​ທິ​ພົນ​ຕໍ່​ກັບ​ຄຸນ​ນະ​ພາບ​ຂອງ​ການ​ສຶກ​ສາ.
ເມື່ອເຮົາເບິ່ງອັດຕາສ່ວນທາງເພດຂອງພົນລະເມືອງທີ່ຮຽນຈົບປະຖົມສຶກສາ, ຈະສະດຸ້ງໂລດວ່າອັດ ຕາສ່ວນພົນລະເມືອງຮຽນຈົບການສຶກສາລະດັບປະຖົມສູງສ່ວນໃຫຍ່ແລ້ວແມ່ນມີຄວາມກ່ຽວພັນກັບ ຈຳນວນເດັກນ້ອຍຍິງຫຼາຍຄົນ. ສີ່​ງ​ເລົ່ານີ້ມັນຈະ​ບໍ່​ພົບ​ເຫັນ​ໄດ້​ງ່າຍໃນກໍລະນີອັດຕາສ່ວນທາງເພດຂອງ ພົນລະເມືອງທີ່ຮຽນຈົບລະດັບມັດທະຍົມສຶກສາຕອນຕົ້ນ. ອັດຕາ​ສ່ວນ​ດັ່ງກ່າວ​ນີ້​ແມ່ນ​ສະ​ແດງ​ໃຫ​້​ເຫັນ​ຈຳນວນ​ຜູ້​ຊາຍ​ຈະ​ມີ​ສູງ​ກ່ວາ​ແມ່ຍິງ ​ແມ້ກະທັ້ງຢູ່​ໃນ​ເຂດ​ທີ່​ມີ​ອັດຕາການ​ຮຽນ​ຈົບ​ຂັ້ນມັດທະຍົມຕອນຕົ້ນ ຈະສູງກວ່າອັດຕາສະເລັ່ຍປົກກະຕິ. ຂໍ້​ຄິດ​ເຫັນ​ດັ່ງກ່າວນີ້ແມ່ນມີສາຍກ່ຽວພັນສະໜິດແໜ້ນກັບຂໍ້ມູນ ອັດຕາສ່ວນທາງເພດ ຂອງ ພົນລະເມືອງທີ່ສາມາດເຮັດວຽກເສດຖະກິດໄດ້ (ແຜນທີ່ G.1 ແລະ G.2). ອັດຕາສ່ວນຂອງເດັກນ້ອຍຍິງ ແລະ ແມ່ຍິງທີ່ເຮັດວຽກເສດຖະກິດ ​ແລະ ມີວຽກເຮັດງານທຳແມ່ນມີສູງ ກວ່າອັດຕາສ່ວນຂອງ​ເດັກຍິງ ແລະ ແມ່ຍິງທີ່ບໍ່ໄດ້ຮັບການສຶກສາ. ໃນທາງກົງກັນຂ້າມກັນ ແລ້ວ, ​ເດັກຍິງ ແລະ ແມ່ຍິງ ຜູ້ທີ່ຮຽນຈົບລະດັບການສຶກສາສູງແມ່ນປະກອນສ່ວນໃນກິດຈະກຳເສດຖະກິດ
ໜ້ອຍຫຼາຍ. ເວົ້າອີກແນວໜຶ່ງກໍ່ແມ່ນວ່າຈຳນວນເດັກຍິງຫຼາຍກວ່າເດັກຊາຍຈຳເປັນຕ້ອງໄປເຮັດ ວຽກງານແຕ່ຫົວທີຈື່ງ​ເປັນ​ເຫດ​ທີ່​ພາ​ໃຫ້​ເຂົາ​ບໍ່​ສາມາດ​ສືບ​ຕໍ່​ໃນ​ການສຶກສາຮ່ຳ​ຮຽນຂອງ ພວກເຂົາ.
ສະ​ຫລຸບ​ໄດ້​ວ່າ ອັດ​ຕາ​ການ​ຮຽນ​ຈົບ​ຊັ້ນ​ປະ​ຖົມ​ສຶກ​ສາ​ແມ່ນ​ຍັງ​ມີ​ຕ່ຳ ແລະ ອັດ​ຕາ​ການ​ຮຽນ​ຈົບ​ມັດ​ທະ​ຍົມ ສຶກ​ສາ​ກໍ່​ຍັງ​ຄົງ​ມີ​ຕ່ຳ​ກ່ວ​າ​ເມື່ອ​ສົມ​ທຽບ​ໃສ່​ອັດ​ຕາ​ການ​ຮູ້​ໜັງ​ສື ແລະ ເດັກ​ຍິງ​ຫຼາຍ​ຄົນ ກໍ່​ຂາດ​ໂອ​ກາດ​ທີ່​ຈະ ໄດ້​ຮັບ​ການ​ສຶກ​ສາ. ເພາະ​ສະ​ນັ້ນ, ແຜນ​ທີ່​ສະ​ບັບ​ນີ້​ຈຶ່​ື່​ງວາດ​ໃຫ້​ເຫັນ​ຂໍ້​ຈຳ​ກັດ​ຫຼາຍ​ຢ່າງ​ທີ່​ມີ​ຕໍ່​ການ ພັດ​ທະ​ນາ​ທີ່​ອາ​ໃສ​ກຳ​ລັງ​ສີ​ມື​ແຮງ​ງານ​ໃນ​ອະ​ນາ​ຄົດ.

 

 

 


ຖ້າຫາກທ່ານຕ້ອງການແຜນທີ່ ທີ່ມີ
ຄວາມລະອຽດສູງ, ກະລຸນາດາວໂຫຼດຈາກ PDF